SASTHRA SAHITHYA PARISHAD ALAPPUZHA

2012-02-03T05:56:00.001-08:00

2012-01-17T07:18:00.000-08:00

കേരളത്തിലെപ്രാഥമിക ആരോഗ്യ സംവിധാനങ്ങള്‍അവഗണിക്കപ്പെടുന്നു -ഡോ. ബി.ഇക്ബാല്‍

കേരളത്തിലെപ്രാഥമിക ആരോഗ്യസംവിധാനങ്ങള്‍അവഗണിക്കപ്പെടുകയാണെന്ന്കേരള സര്‍വ്വകലാശാലാ മുന്‍വൈസ്ചാന്‍സലറും പ്രമുഖ ജനകീയആരോഗ്യ പ്രവര്‍ത്തകനുമായഡോ. ബി.ഇക്ബാല്‍അഭിപ്രായപ്പെട്ടു.ആരംഭഘട്ടത്തില്‍തന്നെരോഗനിര്‍ണയം നടത്തി പരിഹാരംകണ്ടെത്തുന്ന പ്രാഥമികആരോഗ്യസംവിധാനങ്ങള്‍മെച്ചപ്പെടുത്തുന്നതിന്പകരം രോഗം മൂര്‍ച്ഛിക്കുന്നഅവസ്ഥ യിലെത്തിയശേഷം മാത്രംനല്‍കപ്പെടുന്ന ചികിത്സാസംവിധാനങ്ങള്‍മെച്ചപ്പെടുത്തുന്നതിനെപറ്റിയാണ്ഇന്ന് കേരളം ആലോചിക്കുന്നത്.ഇതിന്റെഭാഗമായാണ് സ്വകാര്യ മെഡിക്കല്‍കോളേജുകളും സൂപ്പര്‍സ്പെഷ്യാലിറ്റി ആശുപത്രികളുംനാട്ടില്‍ പെരുകുന്നത്.

വേണംമറ്റൊരു കേരളം എന്ന സന്ദേശമുയര്‍ത്തികേരള ശാസ്ത്രസാഹിത്യ പരിഷത്ത്ആരംഭിച്ച കാമ്പയിന്റെ ഭാഗമായിആലപ്പുഴ പുന്നപ്രയില്‍സംഘടിപ്പിച്ച സംസ്ഥാന ആരോഗ്യസെമിനാര്‍‌ ആലപ്പുഴ പുന്നപ്രയില്‍ ജനുവരി 7ന് ഉദ്ഘാടനം ചെയ്ത്സംസാരിക്കുകയായിരുന്നുഅദ്ദേഹം.ഇന്ത്യന്‍ശരാശരിയെക്കാള്‍ മൂന്നിരട്ടിഅധികമാണ് കേരളത്തിലെ ചികിത്സാചെലവ്.ഇതിന്റെഫലമായി ദുര്‍ബല വിഭാഗങ്ങള്‍ക്ക്ചികിത്സ നിഷേധിക്കപ്പെടുന്നു.ശാരീരികആരോഗ്യത്തേടൊപ്പം മലയാളിയുടെമാനസിക ആരോഗ്യവും വലിയതോതില്‍രോഗാതുരമായിക്കൊണ്ടിരിക്കുകയാണ്.വികസിതരാജ്യങ്ങളോടൊപ്പം നില്‍ക്കുന്നആരോഗ്യ സൂചകങ്ങളുള്ള കേരളത്തില്‍രൂക്ഷമായ മാലിന്യ പ്രശ്നങ്ങളുംപകര്‍ച്ചവ്യാധി രോഗങ്ങളുംജനകീയ ആരോഗ്യത്തിന് വലിയഭീഷണിയാണ്.നമുക്ക്ഒരു പൊതുജനാരോഗ്യ നയം ഉണ്ടാകേണ്ടകാലം അതിക്രമിച്ചിരിക്കുന്നുവെന്ന്ഡോ. ഇക്ബാല്‍കൂട്ടിച്ചേര്‍ത്തു.

ആലപ്പുഴജില്ലാ പഞ്ചായത്ത് പ്രസിഡന്റ്അഡ്വ.യു.പ്രതിഭാഹരിഅദ്ധ്യക്ഷയായിരുന്നു.അമ്പലപ്പുഴബ്ലോക്ക് പഞ്ചായത്ത് പ്രസിഡന്റുംസ്വാഗത സംഘം ചെയര്‍പേഴ്സനുമായബി. സുലേഖസ്വാഗതം പറഞ്ഞു.

കേരളത്തിന്റെവര്‍ദ്ധിച്ചുവരുന്ന ആരോഗ്യചെലവിനെസംബന്ധിച്ച് പരിഷത്ത്നടത്തിയ സര്‍വ്വേയുടെ പ്രാഥമികവിലയിരുത്തല്‍ സെമിനാറില്‍ഡോ. സി.അനീഷ്അവതരിപ്പിച്ചു.കേരളത്തിലെ14 ജില്ലകളിലായി1000 വീടുകളിലാണ്സര്‍വ്വേ നടത്തിയത്.കഴിഞ്ഞആറ് വര്‍ഷം കൊണ്ട് ചിക്ത്സാചെലവ്3 മടങ്ങ്വര്‍ദ്ധിച്ചതായി പഠനംചൂണ്ടിക്കാട്ടുന്നു.സര്‍ക്കാര്‍സൗജന്യമായി നല്‍കുന്ന ചികിത്സാസൗകര്യങ്ങള്‍ക്കും ഇന്‍ഷുറന്‍സ്പരിരക്ഷക്കും പുറമേയാണിത്.ആയിരത്തില്‍ആറുപേര്‍ പ്രതിവര്‍ഷംഒരുലക്ഷത്തിലധികം രൂപാചികിത്സക്കായി ചെലവിടുന്നു.ചികിത്സാചെലവുകളുടെ സിംഹഭാഗവും (60.7%)ജീവിതശൈലീരോഗങ്ങളുടെ തുടര്‍ ചികിത്സക്കായാണ്ചെലവിടേണ്ടി വരുന്നത്.സ്വകാര്യമേഖലയില്‍ ചികിത്സ തേടുന്നവരുടെഎണ്ണം ഓരോ വര്‍ഷവുംവര്‍ദ്ധിച്ചുവരുന്നു.കിടത്തിചികിത്സാ ചെലവിന്റെ കാര്യത്തില്‍സര്‍ക്കാര്‍ ആശുപത്രികളിലേതിന്റെനാലിരട്ടിയിലധികമാണ് സ്വകാര്യആശുപത്രികളിലെ ചെലവെന്നുംപഠനത്തില്‍ പറയുന്നു.

ആരോഗ്യഇന്‍ഷുറന്‍സ് ഉയര്‍ത്തുന്നപ്രശ്നങ്ങള്‍ എന്ന വിഷയത്തില്‍പ്രൊഫ.ടി.പി.കുഞ്ഞിക്കണ്ണന്‍,ജീവിതശൈലീരോഗങ്ങള്‍എന്ന വിഷയത്തില്‍ ഡോ.സൈറൂഫിലിപ്പ്, പൊതുജനാരോഗ്യസംവിധാനത്തിന്റെ പുനസംഘാടനംഎന്ന വിഷയത്തില്‍ ഡോ.ബൈജുസോമന്‍,പുതിയകാലത്തെമരുന്നും ലാബ് പരിശോധനകളുംഎന്ന വിഷയത്തില്‍ ഡോ.ഹരികുമാരന്‍നായര്‍ എന്നിവര്‍ അവതരണങ്ങള്‍നടത്തി.പരിഷത്ത്സംസ്ഥാന ആരോഗ്യ വിഷയസമിതിചെയര്‍മാന്‍ ഡോ.കെ.വിജയകുമാര്‍മോഡറേറ്ററായുരുന്നു.സംഘാടകസമിതികണ്‍വീനര്‍ കെ.പ്രസന്നകുമാര്‍നന്ദി പറഞ്ഞു.

പരിഷത്ത്സംസ്ഥാന ആരോഗ്യ വിഷയസമിതികണ്‍വീനര്‍ സി.പി.സുരേഷ്ബാബു,സംസ്ഥാനട്രഷറര്‍ പി.വി.വിനോദ്,ജില്ലാപ്രസിഡന്റ് പി.ജയരാജ്,ജില്ലാസെക്രട്ടറി എന്‍.സാനു,ജില്ലാആരോഗ്യ വിഷയസമിതി കണ്‍വീനര്‍എം. ആര്‍.പ്രസാദ്ദാസ്,ജയന്‍പാനാത്ര എന്നിവര്‍ നേതൃത്വംനല്‍കി.

2011-12-09T01:55:00.001-08:00

പരിഷത്ത്ശാസ്ത്രകലാജാഥ

ഡിസംബര്‍ 16മുതല്‍ജില്ലയില്‍ പര്യടനം നടത്തും

വേണം മറ്റൊരു കേരളം

എന്ന മുദ്രാവാക്യവുമായിസംസ്ഥാനത്ത് പര്യടനം നടത്തുന്നകേരള ശാസ്ത്രസാഹിത്യ പരിഷത്തിന്റെശാസ്തകലാജാഥ 2011ഡിസംബര്‍ 16മുതല്‍ ജില്ലയില്‍പര്യടനം നടത്തും.പരിഷത്തിന്റെ അടുത്ത സഹയാത്രികനും ആദ്യംമുതല്‍ തന്നെ കലാജാഥകളുടെരചനയിലും അവതരണത്തിലുംപ്രധാനിയുമായിരുന്ന പ്രശസ്തകവി മുല്ലനേഴിക്ക് ഈ വര്‍ഷത്തെകലാജാഥ സമര്‍പ്പിച്ചിരിക്കുന്നു.

വിദ്യാഭാസം കൊണ്ടുംപ്രകൃതിസമ്പത്തുകൊണ്ടുംപ്രബുദ്ധമായ മനുഷ്യവിഭവശേഷികൊണ്ടും ഉന്നതമായ ജീവിതമാനദണ്ഡങ്ങള്‍സ്വയം പുലര്‍ത്തുന്നതിലേക്ക്ഉയരാന്‍ സര്‍വഥാ യോഗ്യമായഒരു സംസ്ഥാനമാണ് കേരളം.എന്നാല്‍,മണ്ണിനെ മാഫിയകള്‍ക്കും,പെണ്ണിനെ കടിഞ്ഞാണില്ലാത്തകാമാതുരതയ്ക്കും,മാതൃഭാഷയെവിദേശഭാഷയ്ക്കും കൂട്ടിക്കൊടുത്തും,ധനാര്‍ത്തിയുംമോഹചിന്തയും ആത്മാവില്‍ കാട്വളര്‍ത്തിയും,ദൂരക്കാഴ്ചയുംശുഭാപ്തിവിശ്വാസവുംകളഞ്ഞുകുളിച്ചും,യുക്തിചിന്തയേയുംശാസ്ത്രബോധത്തേയും വെല്ലുവിളിച്ചും,സ്ഥാപിത താത്പര്യങ്ങള്‍ക്കുംമതാഭിമാനചിന്തകള്‍ക്കുംഅഴിമതിക്കും വെള്ളവും വളവുംകൊടുത്തും കേരളം മുന്നേറുന്നത്സാമൂഹികവും സാംസ്‌കാരികവുമായജീര്‍ണ്ണതയുടെ പുതിയൊരുകേരളാ മോഡലിലേയ്ക്കാണ്. നാടിന്റെ നിലവിലുള്ളനടപ്പുരീതിയും നടത്തിപ്പുരീതിയും കീഴ്‌മേല്‍ മറിച്ച,ശാസ്ത്രബോധത്തിലുംസ്ഥിതിസമത്വത്തിലും സന്തുലിതവികസനത്തിലും ലിംഗനീതിയിലും അധിഷ്ഠിതമായ പുതിയൊരു കേരളംസാക്ഷാത്കരിക്കുക എന്നത്,പരിഷത്തിന്റെപ്രവര്‍ത്തനങ്ങളുടെ എക്കാലത്തേയുംകേന്ദ്ര പ്രമേയമാണ്.അത്തരമൊരുസാമൂഹ്യമാറ്റത്തിന്റെ ആയുധമായിശാസ്ത്രത്തെ ജനങ്ങള്‍ക്ക്ഉപയുക്തമാക്കുക എന്നതാണ്അതിനുള്ള പരിഷത്തിന്റെപരിപാടി. കാലങ്ങളിലൂടെപ്രസക്തി വര്‍ദ്ധിച്ചും കൂടുതല്‍ സ്പഷ്ടത കൈവരിച്ചുംവരുന്ന ഈ കേന്ദ്ര പ്രമേയത്തെകുറേക്കൂടി മൂര്‍ത്തമാക്കുന്നതാണ്,വേണംമറ്റൊരു കേരളം എന്ന മുദ്രാവാക്യംമുന്‍നിര്‍ത്തി പരിഷത്ഇക്കൊല്ലം മുന്നോട്ട് വയ്ക്കുന്നഅതിപിപുലവും വിവിധതലസ്പര്‍ശിയുമായകാമ്പയ്ന്‍. ഉള്ളടക്കംകൊണ്ടും സംഘാടനപരമായും ഈകാമ്പയ്‌ന്റെ മുന്നോടിയാണ്ഈ വര്‍ഷത്തെ ശാസ്ത്രകലാജാഥ.സംസ്ഥാനത്ത് ആകെ183 കേന്ദ്രങ്ങളില്‍ കലാജാഥ പരിപാടികള്‍ അവതരിപ്പിക്കും.ഏഴാച്ചേരി രാമചന്ദ്രന്‍,കുരീപ്പുഴ ശ്രീകുമാര്‍, പി.കെ.ഗോപി,സത്യചന്ദ്രന്‍പൊയില്‍ക്കാവ്,എം.എം.സചീന്ദ്രന്‍,എന്‍.വേണുഗോപാലന്‍കൂത്താട്ടുകുളം,ബി.എസ്.ശ്രീകണ്ഠന്‍, വിജയന്‍.കെ.മലപ്പുറം,കെ.വി.രാമകൃഷ്ണന്‍മലപ്പുറം, വി.ചന്ദ്രബാബുകണ്ണൂര്‍, മനീഷകാക്കയങ്ങാട് എന്നിവരാണ് ഈകലാരൂപങ്ങളുടെ രചനകള്‍നിര്‍വഹിച്ചിരിക്കുന്നത്.സംവിധാനംപി.ജി.സുര്‍ജിത്തുംസംഗീതം മഞ്ഞള്ളൂര്‍ സുരേന്ദ്രനുംനിര്‍വഹിച്ചിരിക്കുന്നു.

ഡിസംബര്‍ 16ന് ബുധനൂര്‍എണ്ണക്കാട്, മുളക്കുഴ,നൂറനാട് പാറ്റൂര്‍,വള്ളികുന്നം ചൂനാട്,ഡിസംബര്‍ 17ന് മാവേലിക്കരകുറത്തികാട്,ചെട്ടികുളങ്ങര,കുട്ടനാട് കണ്ണാടി,കാവാലം,ഡിസംബര്‍ 18ന്അരൂക്കുറ്റി,തൈക്കാട്ട്‌ശ്ശേരിപള്ളിപ്പുറം,കടക്കരപ്പള്ളി,കോടംതുരുത്ത്എന്നിങ്ങനെ 12കേന്ദ്രങ്ങളിലാണ്ആലപ്പുഴ ജില്ലയില്‍ കലാജാഥപരിപാടികള്‍ അവതരിപ്പിക്കുക.പുസ്തകപ്രചരണം,വീട്ടുമുറ്റക്ലാസ്സുകള്‍,ജനസഭകള്‍ തുടങ്ങിയഅനുബന്ധപരിപാടികള്‍ കലാജാഥാസ്വീകരണത്തിന്റെ ഭാഗമായിവിവധ കേന്ദ്രങ്ങളിലെ സംഘാടകസമിതികളുടെ നേതൃത്വത്തില്‍നടന്നുവരുന്നു.

വികസന കാമ്പയിന്‍ ആലപ്പുഴ ജില്ലാ സംഘാടക സമിതി രൂപീകരിച്ചു

2011-11-26T03:33:00.001-08:00

വികസന കാമ്പയിന്‍ ജില്ലാ സംഘാടക സമിതി രൂപീകരണം ജോജി കൂട്ടുമ്മല്‍ ഉദ്ഘാടനം ചെയ്യുന്നു.

‘വേണം മറ്റൊരു കേരളം’എന്ന മുദ്രാവാക്യമുയര്‍ത്തികേരള ശാസ്ത്രസാഹിത്യ പരിഷത്ത്ആരംഭിച്ച വികസന കാമ്പയിന്‍വിജയിപ്പിക്കുന്നതിനുള്ളജില്ലാതല സംഘാടക സമിതിആലപ്പുഴയില്‍ രൂപീകരിച്ചു.നവംബര്‍ 17ന് ആലപ്പുഴ ബ്രദേഴ്‌സ്ആഡിറ്റോറിയത്തില്‍ ചേര്‍ന്നരൂപീകരണ യോഗം പരിഷത്ത് സംസ്ഥാനനിര്‍വ്വാഹക സമിതി അംഗം ജോജികൂട്ടുമ്മല്‍ ഉദ്ഘാടനം ചെയ്തു.ജില്ലാ പ്രഡിഡന്റ്പി. ജയരാജ്അദ്ധ്യക്ഷനായിരിന്നു.

ആഗോളീകരണ ഉദാരവല്‍ക്കരണനയങ്ങള്‍ക്ക് എതിരില്ല എന്നവാദക്കാര്‍ക്കുള്ള മറുപടിയാണ്ലോകത്തെങ്ങും ഇന്നുനടക്കുന്നചെറുത്തുനില്‍പ്പുകള്‍ എന്ന്യോഗം ഉദ്ഘാടനം ചെയ്തുകൊണ്ട്ജോജി കൂട്ടുമ്മല്‍ പറഞ്ഞു.ഇന്നത്തെ കേരളസമൂഹം രണ്ട് മുഖങ്ങളുള്ളതാണെന്നുംഅതിന്റെ തിളക്കമുള്ള ഒരുമുഖത്തിനു പിന്നില്‍അസ്വസ്ഥതകളുടെയും പരാധീനതകളുടെയുംഒരുമുഖം ഒളിഞ്ഞിരിപ്പുണ്ടെന്നുംഅദ്ദേഹം പറഞ്ഞു.ഈ മുഖം അനാവരണംചെയ്യുകയും അതിനെതിരായ ജനകീയപ്രതിരോധ പ്രവര്‍ത്തനങ്ങല്‍വളര്‍ത്തിക്കൊണ്ടു വരികയുമാണ്വികസന കാമ്പയിന്റെ ലക്ഷ്യം.ചര്‍ച്ചയില്‍ഇടപെട്ടുകൊണ്ട് വിവിധ സാമൂഹ്യസാംസ്‌കാരിക പ്രവര്‍ത്തകര്‍സംസാരിച്ചു.

വികസന കാമ്പയിന്റെഭാഗമായി ജില്ലയില്‍ നടക്കുന്നഇടപെടല്‍ വിഷയങ്ങളെ പറ്റിജില്ലാ സെക്രട്ടറി എന്‍.സാനു വിശദീകരിച്ചു.സംസ്ഥാന ട്രഷറര്‍പി. വി.വിനോദ് പാനല്‍അവതരിപ്പിച്ചു.ജില്ലാ ട്രഷററുംവികസന കാമ്പയിന്‍ സംഘാടകസമിതിയുടെ ജനറല്‍ കണ്‍വീനറുമായജയന്‍ ചമ്പക്കുളം നന്ദിപറഞ്ഞു.

സംഘാടകസമിതി:

രക്ഷാധികാരികള്‍ - ശ്രീ.കെ. സി.വേണുഗോപാല്‍,കേന്ദ്ര ഊര്‍ജസഹമന്ത്രി,

ഡോ.തോമസ് ഐസക്ക്എം.എല്‍.എ

അഡ്വ.ജി.സുധാകരന്‍ എം.എല്‍.എ.

ചെയര്‍മാന്‍ - അഡ്വ.പ്രതിഭാ ഹരി,ജില്ലാ പഞ്ചായത്ത്പ്രസിഡന്റ്.

വൈ.ചെയര്‍മാന്‍മാര്‍ - ശ്രീമതി.മേഴസി ഡയാന,സര്‍വ്വശ്രീ.ജി.വേണുഗോപാല്‍, എ.ശിവരാജന്‍,

പ്രൊഫ.ജെ.ഇന്ദുലാല്‍,കെ. ജി.ജഗദീഷ്, പി.ജയരാജ്,സി. ടി.ജോസ്,

എം. സി.പ്രസാദ്, കെ.എം.കുഞ്ഞുമോന്‍,എ. ടി.സെബാസ്റ്റിയന്‍,

ജയചന്ദ്രന്‍.

ജനറല്‍ കണ്‍വ്വീനര്‍ - ശ്രീ.ജയന്‍ ചമ്പക്കുളം

കണ്‍വീനര്‍മാര്‍ - സര്‍വ്വശ്രീ.പ്രദീപ്,റജി സാമുവല്‍

സബ് കമ്മിറ്റികള്‍:

അനുബന്ധ പരിപാടി - ശ്രീ.എസ്.വി. സാബു(ചെയര്‍മാന്‍), ശ്രീ.ആര്‍.രഞ്ജിത്ത് (കണ്‍വീനര്‍)

പദയാത്ര - ശ്രീ.സോജകുമാര്‍(ചെയര്‍മാന്‍), ശ്രീ.മുഹമ്മദ് അസ്ലം(കണ്‍വീനര്‍)

പ്രചരണം - ശ്രീ.മനു സി.പുളിക്കന്‍(ചെയര്‍മാന്‍), ശ്രീ.ടി. കെ.സുജിത്ത് (കണ്‍വീനര്‍)

സെമിനാര്‍ - ഡോ.സൈറു ഫിലിപ്പ്(ചെയര്‍മാന്‍), ശ്രീ. പ്രസാദ് ദാസ്(കണ്‍വീനര്‍)

കലാജാഥ - ശ്രീ.പി. എ.റോബി (ചെയര്‍മാന്‍), ശ്രീ.സി.സതീഷ്(കണ്‍വീനര്‍)

പുസ്തക പ്രചരണം - ശ്രീ.വി.കെ.വിശ്വനാഥന്‍(ചെയര്‍മാന്‍), ശ്രീ.റജി സാമുവല്‍(കണ്‍വീനര്‍)

2011-10-08T20:58:00.000-07:00

കുട്ടനാട് പാക്കേജ്

ദുരിതത്തില്‍നിന്നുംദുരന്തത്തിലേയ്ക്ക് - പരിഷത്ത്

കുട്ടനാട്പായ്‌ക്കേജ് പ്രവര്‍ത്തനങ്ങള്‍കുട്ടനാടിനെ ദുരിതത്തില്‍നിന്നുംദുരന്തത്തിലേക്ക് കൊണ്ടുപോകുകയാണ്.ഡോ.സ്വാമിനാഥന്‍കമ്മീഷന്‍ നിര്‍ദ്ദേശങ്ങളുടെഅന്തഃസത്തയെ അട്ടിമറിക്കുന്നതുംമൂന്‍ഗണനകളെ അവഗണിക്കുന്നതുമാണ്ഇപ്പേള്‍ നടന്നുവരുന്നപ്രവര്‍ത്തനങ്ങള്‍.

കുട്ടനാടിന്റെപാരിസ്ഥിതിക സവിശേഷതകളുടെപുനഃസ്ഥാപനം,അതുവഴികൃഷി,മത്സ്യബന്ധനംതുടങ്ങിയ തൊഴില്‍തുറകളുടെവികാസം എന്നിവയാണ് കമ്മീഷന്‍പരിഗണിച്ച വിഷയങ്ങള്‍.ഇതിനായി15 കര്‍മ്മപദ്ധതികള്‍കമ്മീഷന്‍ നിര്‍ദ്ദേശിച്ചു.ഇതില്‍പാടശേഖരങ്ങള്‍ക്ക് അടിസ്ഥാനസൗകര്യം ഒരുക്കുക എന്നത്എട്ടാമത്തെ കര്‍മപദ്ധതിമാത്രമാണ്.കുട്ടനാടിന്റെപാരിസ്ഥിതിക സവിശേഷതകള്‍തിരിച്ചുപിടിക്കുന്നതിനുതകുന്നനിര്‍ദ്ദേശങ്ങള്‍ക്കാണ്കമ്മീഷന്‍ മുന്‍ഗണന നല്‍കിയിരുന്നത്.ഇവയാണ്ഇന്ന് അട്ടിമറിക്കപ്പെട്ടുകൊണ്ടിരിക്കുന്നത്.

ഈ അട്ടിമറിഎളുപ്പമാക്കുന്നത് കമ്മീഷന്‍റിപ്പേര്‍ട്ടിലെതന്നെ ഉള്‍വൈരുദ്ധ്യങ്ങളാണ്.കുട്ടനാട്ടിലെനെല്‍കൃഷിയുടെ നഷ്ടത്തിന്റെകാരണമായി കമ്മീഷന്‍പറഞ്ഞുവയ്ക്കുന്നത് പുറംബണ്ടുകളിന്‍മേലുള്ള കര്‍ഷകന്റെആവര്‍ത്തന ചെലവാണ്.ഇതാകട്ടെകമ്മീഷന്റെ കണക്കുപ്രകാരംതന്നെ 10മുതല്‍ 20ശതമാനം വരെമാത്രമേ വരൂ.രാസവളങ്ങളോടുംകീടനാശിനികളോടുമുള്ള കര്‍ഷകന്റെഅമിതആശ്രയം,ഇവയുടെവിലയിലുണ്ടാകുന്ന വന്‍വര്‍ദ്ധനവ് ഇതൊന്നുംകണക്കാക്കുന്നില്ല.ഇതോടെനെല്‍കൃഷി ലാഭത്തിലാക്കാനുള്ളമുഴുവന്‍ ശ്രദ്ധയും പുറംബണ്ട് നിര്‍മ്മാണത്തിലായി.റിപ്പോര്‍ട്ടില്‍ചൂണ്ടിക്കാണിക്കുന്ന,കുട്ടനാട്ടില്‍ഇതേവരെ നടത്തിയ വഴിതെറ്റിയവികസനരീതികളുടെ പിന്നില്‍പ്രവര്‍ത്തിച്ച് അതേതാല്‍പര്യങ്ങള്‍ കടന്നുവന്നതോടെപുറം ബണ്ട് നിര്‍മ്മാണമെന്നത്വലിയ ആഘോഷമായിമാറുകയും ചെയ്തു.ആപ്പുഴ,കോട്ടയംപത്തനംതിട്ട,കൊല്ലംജില്ലകളിലായി 2,827.29കോടി രൂപ്‌യുടെപുറംബണ്ട് നിര്‍മ്മാണത്തിനാണ്ഇപ്പോള്‍ പദ്ധതി.കായല്‍നിലങ്ങളില്‍ മാത്രം 155കി.മീ.നീളത്തില്‍പില്ലര്‍ സ്ലാബ് മതിലാണ്നിര്‍മ്മിക്കുന്നത്.

കരിങ്കല്‍,കോണ്‍ക്രീറ്റ്,പുറം ബണ്ടുകള്‍,എന്നിവകമ്മീഷന്‍ നിര്‍ദ്ദേശങ്ങള്‍ക്കെതിരാണ്.(പേജ് 134)സാധ്യമായിടത്തെല്ലാംകുട്ടനാടന്‍ കട്ടകൊണ്ട്ബണ്ട് കെട്ടണമെന്നാണ്നിര്‍ദ്ദേശം.ഇത് എങ്ങനെയാണ്കരിങ്കല്‍ ബണ്ടുകളായി മാറിയത്.കഴിഞ്ഞരണ്ട് പതിറ്റാണ്ടുകളായിമടവീഴാത്ത പാടശേഖരങ്ങളില്‍പോലും നിലവിലുള്ള ബണ്ട്പൊളിച്ച് കരിങ്കല്‍ ബണ്ട്കെട്ടിക്കൊണ്ടിരിക്കുകയാ.ഇതിന്പിന്നിലുള്ള താല്പര്യങ്ങള്‍ എന്താണ്,പാരിസ്ഥിതികപ്രത്യാഘാതങ്ങള്‍ എന്തൊക്കെയാണ്.

കായല്‍നിലങ്ങളില്‍ഈ കോണ്‍ക്രീറ്റ് മതില്‍എന്തിന് വേണ്ടിയാണ്നിര്‍മ്മിക്കുന്നത്.നെല്‍കൃഷിക്കുവേണ്ടിയോമത്സ്യകൃഷിക്കുവേണ്ടിയോ ?നിലവിലുള്ളതിനേക്കാള്‍അധികം കൃഷി കായല്‍ നിലങ്ങളില്‍ചെയ്യുകയാണെങ്കില്‍അതിവര്‍ഷത്തില്‍ അധിക ജലംഉള്‍ക്കൊള്ളുക എന്ന ധര്‍മംഎങ്ങനെയാണ് നിര്‍വ്വഹിക്കപ്പെടുക.10 വര്‍ഷക്കാലത്തെശരാശരി വെള്ളപ്പൊക്കനിരപ്പിനേക്കാള്‍30 സെ.മീ.ഉയരത്തില്‍വെള്ളം കവിഞ്ഞൊഴുകാന്‍പാകത്തില്‍ മാത്രമേ പുറംബണ്ട് നിര്‍മ്മിക്കാവൂ എന്നാണ്കമ്മീഷന്‍ നിര്‍ദ്ദേശം.ഇന്നത്തെജലനിരപ്പില്‍ നിന്നൂംഒരുമീറ്റര്‍ ഉയരത്തിലും,ശരാശരി 1.1മീറ്റര്‍കായലിലേക്ക് ഇറക്കിയുമാണ്ഈ മതില്‍ നിര്‍മ്മിച്ചിരിക്കുന്നത്.കായല്‍പരപ്പുകളുടെ വിസ്തൃതി കുറക്കരുത്എന്ന കമ്മീഷന്റെ ഏറ്റവുംപ്രധാന നിര്‍ദ്ദേത്തെഅട്ടിമറിക്കുന്നതാണ് ഈ ചെയ്തി.കഴിഞ്ഞ 2ദശാബ്ദക്കാലമായികക്കാ ഖനനം മൂലം കൃഷിക്കനുയോജ്യമല്ലാതായിമാറിയ റാണി,ചിത്തിരകായലുകളികളിലും ഈ മതിലുനിര്‍മ്മാണംനടക്കുന്നു എന്നത് മറ്റൊരുവിരോധാഭാസമാണ്.സി,ഡി,ബ്ലോക്കുകള്‍ക്ക്മദ്ധ്യത്തിലൂടെയും റാണിചിത്തിര കായലുകള്‍ക്ക്മദ്ധ്യത്തിലൂടെയും 2കനാലുകള്‍നിര്‍മ്മിക്കാന്‍ കമ്മീഷന്‍നിര്‍ദ്ദേശിച്ചിട്ടുണ്ട്46 കോടിരൂപയാണ്ഇതിന്റെ ചെലവ്.കായലിന്റെമദ്ധ്യത്തില്‍ ഇത്തരം ഒരുകനാല്‍ നിര്‍മ്മിക്കുന്നതിന്പാരിസ്ഥിതിക ആഘാത പഠനം (ഇ.ഐ.എ)നിര്‍ദ്ദേശിച്ചിട്ടില്ല.2006 ലെ ഇ.ഐ.എ നോട്ടിഫിക്കേന്‍പ്രകാരം ഇത്തരം നിര്‍മ്മാണപ്രവര്‍ത്തനങ്ങള്‍ മുന്‍കൂര്‍പരിസ്ഥിതി അനുമതി ആവശ്യമായവയാണ്.ഇത് അധികാരികള്‍പരിണിക്കുന്നതേയില്ല.

ഓരുവെള്ളക്കയറ്റംകുട്ടനാട് പാരിസ്ഥിതികവ്യവസ്ഥയുടെ ഏറ്റവും സവിശേഷസ്വഭാവമായി കമ്മീഷന്‍ചൂണ്ടിക്കാട്ടുന്നുണ്ട്.എന്നാല്‍വടക്കന്‍ കുട്ടനാട്ടിലുംമറ്റും (വൈക്കംകരി) കമ്മീഷന്‍നിര്‍ദ്ദേശിച്ചിട്ടുള്ളസ്ഥിരം ഓരുമുട്ടുകള്‍തണ്ണീര്‍മുക്കം ബണ്ടിന്റെഅനുഭവപാഠങ്ങള്‍ ഉള്‍ക്കൊള്ളാത്തവയാണ്.ഇതിനെതിരെഇപ്പോള്‍തന്നെ കര്‍ഷകകൂട്ടായ്മകളും രംഗത്തുവന്നിട്ടുണ്ട്.

ഈ സാഹചര്യത്തില്‍കേരള ശാസ്ത്രസാഹിത്യപരിഷത്ത്ആവശ്യപ്പെടുന്നു

1) കരിങ്കല്‍കോണ്‍ക്രീറ്റ് ബണ്ട് നിര്‍മ്മാണംപൂര്‍ണമായും നിര്‍ത്തിവയ്ക്കുകയും,കമ്മീഷന്‍നിര്‍ദ്ദേശങ്ങളുടെ അടിസ്ഥാനത്തില്‍ഇത്തരം നിര്‍മ്മാണ പ്രവര്‍ത്തനങ്ങള്‍പരിസ്ഥിതിക്കനുയോജ്യമായിപുനരാവിഷ്‌കരിക്കുകയും വേണം.

2) കായല്‍നിലങ്ങളുടെ ഭാവി എന്ത് എന്ന്പാരിസ്ഥിതികമായി തീരുമാനിച്ചതിന്ശേഷമേ ഏതൊരുനിര്‍മ്മാണപ്രവര്‍ത്തനവുംനടത്താവൂ.അതുവരെഇന്നത്തെ പ്രവര്‍ത്തനങ്ങള്‍നിര്‍ത്തിവയ്ക്കണം.

3) കായലുകളിലെകനാലുകളുടെ നിര്‍മ്മാണം ഇ.ഐ.എ ക്ക് ശേഷംമാത്രമേ നടപ്പാക്കാവൂ.ബദല്‍സാധ്യതകള്‍ ആരായണം.

4) കായല്‍കനാല്‍ കയ്യേറ്റങ്ങള്‍ഒഴിപ്പിക്കണം.തീരങ്ങളില്‍ഇക്കോ ടോണ്‍ ഏര്‍പ്പെടുത്തണം.

5) സ്‌പെഷ്യല്‍അഗ്രിക്കള്‍ച്ചറല്‍ സോണ്‍ഏര്‍പ്പെടുത്തല്‍,നീരൊഴുക്ക്വര്‍ദ്ധിപ്പിക്കല്‍,തുടങ്ങികമ്മീഷന്റെ പ്രധാന നിര്‍ദ്ദേശങ്ങല്‍മുന്‍ഗണനാ ക്രമത്തില്‍നടപ്പിലാക്കുക.കുട്ടനാട്പാക്കേജ് എന്നാല്‍ പുറം ബണ്ട്നിര്‍മ്മാണമല്ല.

5) വാട്ടര്‍ഷെഡ്അടിസ്ഥാനത്തിലുള്ള സമഗ്രകൃഷി എന്ന നിര്‍ദ്ദേശത്തെആടുവിതരണമാക്കി ചുരുക്കുന്നരീതിക്കെതിരെ രാഷ്ട്രീയപ്പാര്‍ട്ടികളുംസര്‍ക്കാരും രംഗത്തുവരണം.

6) വേമ്പനാട്കായലിന്റെ ആവാഹക ശേഷി കണക്കാക്കിഅതിനനുസരിച്ച് ഹൗസ് ബോട്ടുകളുടെഎണ്ണം നിയന്ത്രിക്കണം.അവയില്‍മാലിന്യ സംസ്‌കരണ സംവിധാനങ്ങള്‍അടിയന്തിരമായി ഏര്‍പ്പെടുത്തണം.കായലില്‍ഇടപെടുന്നതിന് പാരിസ്ഥിതികനിബന്ധനകള്‍ അനിവാര്യമാണ്.

പത്രസമ്മേളനത്തില്‍പരിഷത്ത് ജില്ലാപ്രസിഡന്റ്പി. ജയരാജ്,ജെക്രട്ടറിഎന്‍. സാനു,പരിസരവിഷയസമിതി കണ്‍വീനര്‍റജിസാമുവല്‍,വിഷയസമിതിഅംഗങ്ങളായ ഡോ.ജോണ്‍മത്തായി,എം.ഗോപകുമാര്‍എന്നിവര്‍ സംബന്ധിച്ചു.

കുട്ടനാട് പായ്‌ക്കേജ് : നിര്‍ദ്ദേശങ്ങള്‍ക്കും മുന്‍ഗണനകള്‍ക്കും അനുസൃതാമായി നടപ്പിലാക്കണം - ജില്ലാ പരിസ്ഥിതി സംഗമം.

2011-09-20T11:12:00.000-07:00

കുട്ടനാട്ടിലെനീരൊഴുക്ക് പുനസ്ഥാപിക്കുന്നതിനുംജലാശയങ്ങള്‍ വൃത്തിയാക്കുന്നതിനുംമുന്‍ഗണന നല്‍കി ജനങ്ങളുടെജീവനോപാധിക്ക് ഉതകുന്നവിധത്തില്‍ കുട്ടനാട്പായ്‌ക്കേജ് നടപ്പിലാക്കണമെന്ന്കേരള ശാസ്ത്രസാഹിത്യ പരിഷത്ത്ആലപ്പുഴ ജില്ലാ പരിസ്ഥിതിസംഗമം ആവശ്യപ്പെട്ടു.സ്വാമിനാഥന്‍കമ്മീഷന്‍ റിപ്പോര്‍ട്ടിന്റെഅന്തഃസത്തയ്ക്കുംനിര്‍ദ്ദേശങ്ങള്‍ക്കുംവിരുദ്ധമായാണ് പലനിര്‍മ്മാണപ്രവര്‍ത്തനങ്ങളും നടക്കുന്നത്.അടഞ്ഞുപോയ കനാലുകളുംതോടുകളും തുറന്നും ആഴം കൂട്ടിയുംകയ്യേറ്റങ്ങള്‍ ഒഴിപ്പിച്ചുംനീരൊഴുക്ക് വര്‍ദ്ധിപ്പിക്കുകയാണ്അടിയന്തിരമായി ചെയ്യേണ്ടത്.ഇങ്ങനെ ലഭിക്കുന്നചേറുപയോഗിച്ച്് വേണം ബണ്ടുകള്‍ബലപ്പെടുത്താന്‍. എന്നാല്‍ പുറംബണ്ട് കരിങ്കല്ലും കോണ്‍ക്രീറ്റുംഉപയോഗിച്ച് ബലപ്പെടുത്തുന്നപ്രവര്‍ത്തനങ്ങളാണ് പ്രധാനമായുംനടക്കുന്നത്.തോടുകളുടെ വീതികുറയ്ക്കരുതെന്ന സ്വാമിനാഥന്‍കമ്മീന്‍ റിപ്പോര്‍ട്ടിലെനിര്‍ദ്ദേശം പോലും അവഗണിച്ചുകൊണ്ട്മിക്കയിടങ്ങളിലുംതോടുകള്‍ക്കുള്ളിലേക്ക്ഇറക്കികെട്ടുന്ന കരിങ്കല്‍ഭിത്തികള്‍ തോടിന്റെ വീതികുറയ്ക്കുകയും നീരൊഴുക്ക്വീണ്ടും തടസ്സപ്പെടുത്തുകയാണ്.ഇത് വലയ പാരിസ്ഥിതികതകര്‍ച്ചയിലേക്കാണ് കുട്ടനടിനെകൊണ്ടെത്തിക്കുക.പുറം ബണ്ടുകള്‍പരിധിയിലധികം ഉയര്‍ത്തിയാല്‍കായലിലെ ജലനിരപ്പുയരുകയുംജനപഥങ്ങള്‍ വെള്ളത്തിനടിയിലാവുകയുംചെയ്യും. ഇത്തരത്തില്‍പാരിസ്ഥിതിക ആഘാതങ്ങള്‍കണക്കിലെടുക്കാതെ നടക്കുന്നനിര്‍മ്മാണ പ്രവര്‍ത്തനങ്ങള്‍വന്‍ ദുരന്തങ്ങള്‍ക്ക് വഴിവയ്ക്കും. കുട്ടനാടുമായിവൈകാരിക ബന്ധമുള്ള ഉദ്യോഗസ്ഥരെപദ്ധതിയുടെ നിര്‍വ്വഹണത്തിനായിനിയമിക്കണം.തണ്ണീര്‍മുക്കംബണ്ട് തുറന്നിടുന്നതടക്കമുള്ളപ്രവര്‍ത്തനങ്ങള്‍ വേമ്പനാടിനെയുംകുട്ടനാടിനെയുംമാലിന്യവിമുക്തമാക്കുന്നതിന്റെഭാഗമായി നടപ്പിലാക്കണം.കൃത്യമായ കാര്‍ഷികകലണ്ടറിന്റെ അടിസ്ഥാനത്തില്‍കൃഷി പുനഃക്രമീകരിക്കണം.പദ്ധതി നടത്തിപ്പ്സ്വാമിനാഥന്‍ കമ്മീഷന്‍റിപ്പോര്‍ട്ടിന്റെ അന്തസത്തയ്ക്ക്്അനുസരിച്ചോണോ നടക്കുന്നത്എന്ന് വിലയിരുത്തുന്നതിന്രാഷ്ടീയ പാര്‍ട്ടികളുംപൊതുജനങ്ങളും തയ്യാറാകണമെന്നുംസംഗമം ആവശ്യപ്പെട്ടു.

ഇന്നത്തെനിലയില്‍ മുന്നോട്ടുപോയാല്‍ജില്ലയിലെ ടൂറിസം വ്യവസായംപത്തുകൊല്ലത്തിനപ്പുറത്തേക്ക്നിലനില്‍ക്കില്ലയെന്ന്ചര്‍ച്ചയില്‍ അഭിപ്രായമുയര്‍ന്നു.അനിയന്ത്രിതമായിപെരുകുന്ന ഉല്ലാസ യാനങ്ങള്‍യാതൊരുതരത്തിലുമുള്ള മാലിന്യസംസ്‌കരണ സംവിധാനങ്ങളുമില്ലാതെയാണ്പ്രവര്‍ത്തിക്കുന്നത്.അധികാരികള്‍ഇക്കാര്യത്തില്‍ ശ്രദ്ധിച്ചില്ലെങ്കില്‍വലിയ വ്യവസായ തകര്‍ച്ചയിലേക്കാകുംജില്ല ചെന്നെത്തുക.

ആലപ്പുഴഗവ. ഗേള്‍സ്ഹയര്‍സെക്കന്ററി സ്‌കൂളില്‍വച്ചുനടന്ന സംഗമം കുമരകംമേഖലാ കാര്‍ഷിക ഗവേഷണ കേന്ദ്രംഡയറക്ടര്‍ ഡോ. കെ.ജി.പത്മകുമാര്‍ഉദ്ഘാടനം ചെയ്തു.കുട്ടനാട്ടിലുംആലപ്പുഴയിലും അനുഭവപ്പെടുന്നശുദ്ധജലക്ഷാമം പരിഹരിക്കുന്നതിന്തദ്ദേശ ജലസംഭരണം പ്രോത്സാഹിപ്പിക്കണമെന്ന്അദ്ദേഹം ആവശ്യപ്പെട്ടു.റാണി,ചിത്തിര തുടങ്ങിയകായലുകള്‍ ശുദ്ധജല സംഭരണകേന്ദ്രങ്ങളാക്കണം.മാലിന്യക്കൂമ്പാരങ്ങളായിമാറിക്കൊണ്ടിരിക്കുന്നചതുപ്പുകള്‍ വൃത്തിയാക്കിശുദ്ധജല സ്രോതസ്സുകളാക്കിമാറ്റണം.പാടശേഖരങ്ങളില്‍കീടനാശിനികള്‍ യാതൊരുനിയന്ത്രണവുമില്ലാതെയാണ്പ്രയോഗിക്കുന്നത്.പലതും എഡോസള്‍ഫാനെക്കാള്‍മാരകമാണ്. കീടനാശിനിപ്രയോഗത്തിന് നിയന്ത്രണമുണ്ടാകണമെന്നുംഅദ്ദേഹം അഭിപ്രായപ്പെട്ടു.

വേമ്പനാട് കായലിനെസംരക്ഷിക്കുന്നതിന് ആവശ്യമായഇടപെടലുകള്‍ നടത്തുന്നതിനുംപരിഷത്ത് രൂപം നല്‍കിയകര്‍മപരിപാടികള്‍ ജനങ്ങളില്‍എത്തിക്കുന്നത് പ്രചരണപരിപാടികള്‍ സംഘടിപ്പിക്കുന്നതിനുംസംഗമം തീരുമാനിച്ചു.കുട്ടനാട്ടിലെകീടനീശിനി പ്രയോഗത്തെസംബന്ധിച്ച് ശാസ്ത്രീയ പഠനംനടത്തി തുടര്‍ പരിപാടികള്‍രൂപപ്പെടുത്തും.വിവിധ മേഖലകളിലെപ്രാദേശിക പരിസ്ഥിതിപ്രശ്‌നങ്ങളില്‍ ഇടപെട്ട്പ്രവര്‍ത്തിക്കുന്നതിനുംജനങ്ങളില്‍ പരിസ്ഥിതി അവബോധംവളര്‍ത്തുന്നതിന് ബഹുജനവിദ്യാഭ്യാസ പരിപാടികള്‍സംഘടിപ്പിപക്കുന്നതിനുംതീരുമാനിച്ചു.പരിഷത്ത് പരിസരവിഷയ സമിതി ചെയര്‍മാന്‍ ഡോ.രാമസ്വാമിഅദ്ധ്യക്ഷനായിരുന്നു.ഡോ. ജോണ്‍മത്തായി വിഷയാവരണം നടത്തി. കണ്‍വീനര്‍ റജിസാമുവല്‍ സ്വാഗതം പറഞ്ഞു.പരിഷത്ത് ജില്ലാപ്രസിഡന്റ് പി.ജയരാജ്,സെക്രട്ടറി എന്‍.സാനു,എം.ഗോപകുമാര്‍,ജോര്‍ജ് മുല്ലക്കര,തുടങ്ങിയവര്‍സംസാരിച്ചു.

2011-06-12T10:13:00.001-07:00

രസകരമായ രസതന്ത്രവുമായി

പ്രൊഫ. സി. പി. അരവിന്ദാക്ഷന്‍

-രസതന്ത്രം രസകരമാണെന്നത് കേട്ടറിവ് മാത്രമല്ലന്ന് തിരിച്ചറിഞ്ഞുകൗണ്ട് അദ്ധ്യാപകര്‍ക്കായുള്ള ഒരു ദിവസത്തെ രസതന്ത്ര പഠനപ്രവര്‍ത്തന ശില്പശാല സമാപിച്ചു. ജൂലൈ 3 ന് ആലപ്പുഴ ഗവ. പ്രീ-പ്രൈമറി ട്രെയിനിംഗ് ഇന്‍സ്റ്റിറ്റ്യൂട്ടില്‍ നടന്ന ശില്പശാല പ്രശസ്ത വിദ്യാഭ്യാസ വിദഗ്ദന്‍ പ്രൊഫ. സി. പി. അരവിന്ദാക്ഷനാണ് നയിച്ചത്
Readmore

2011-06-09T08:10:00.000-07:00

ജൂലൈ 4 - മേരിക്യൂറി അനുസ്മരണദിനം

ജില്ലയിലെ മുഴുവന്‍ ഹൈസ്‌കൂളുകളിലും

കുട്ടികള്‍ അനുസ്മരണ പ്രഭാഷണം നടത്തും.

ലോകത്ത് ജീവിച്ചിരുന്ന വനിതാശാസ്ത്രജ്ഞരില്‍ ഏറ്റവും പ്രശസ്തയും, രണ്ട് തവണ ശാസത്രത്തില്‍ നോബല്‍ സമ്മാനം നേടുക എന്ന അപൂര്‍വ്വനേട്ടത്തിന് ഉടമയാവുകയും ചെയ്ത മേരി ക്യൂറിയുടെ ചരമദിനമായ ജൂലൈ 4 ന് ജില്ലയിലെ മുഴുവന്‍ ഹൈസ്‌കൂളുകളിലും കുട്ടികള്‍ മേരി ക്യൂറി അനുസ്മരണ പ്രഭാഷണം നടത്തും. മേരി ക്യൂറിക്ക് രസതന്ത്രത്തില്‍ നോബല്‍ സമ്മാനം ലഭിച്ചതിന്റെ നൂറാം വാര്‍ഷികമായ 2011 അന്താരാഷ്ട്ര രസതന്ത്ര വര്‍ഷമായി യുനെസ്‌കോ പ്രഖ്യാപിച്ചിരിക്കയാണ്. പൊതു വിദ്യാഭ്യാസവകുപ്പിന്റെ സഹകരണത്തോടെ സ്‌കൂള്‍ സയന്‍സ് ക്ലബ്ബ്, കേരള ശാസ്ത്രസാഹിത്യ പരിഷത്ത്, യൂറീക്ക-സാസ്ത്രകേരളം മാസിക എന്നിവരുടെ സംയുക്ത ആഭിമുഖ്യത്തിലാണ് പരിപാടി സംഘടിപ്പിച്ചിട്ടുള്ളത്.

ശാസ്ത്രത്തിലെ അത്ഭുതവനിത എന്നറിയപ്പെടുന്ന മേരിക്യൂറിയുടെ വെല്ലിവിളികള്‍ നിറഞ്ഞ ജീവിതം പുതിയ തലമുറയ്ക്ക് എന്നും ആവേശവും മാതൃകയുമാണ്. പെണ്‍കുട്ടികള്‍ക്ക് ഉപരിപഠനത്തിന് അര്‍ഹതയില്ലാതിരുന്ന കാലഘട്ടത്തില്‍ വീട്ടുവേല ചെയ്തും ട്യൂഷനെടുത്തും പണം സമ്പാദിച്ച് വിദേശത്തുപോയി പഠിച്ച് ശാസ്ത്രലോകത്തിന്റെ നെറുകയിലെത്തിയ മേരി, തന്റെ ജീവിതം തന്നെ അര്‍പ്പിച്ച് കണ്ടെത്തിയ റേഡിത്തിന് പേറ്റന്റെടുക്കാതെ ലോകജനതയ്ക്കായി സമര്‍പ്പിക്കുകയാണുണ്ടായത്. മേരിയുടെ ജീവിത കഥ മള്‍ട്ടിമീഡിയാ പ്രസന്റേഷന്റെ സഹായത്തോടെയാണ് കുട്ടികള്‍ അവരിപ്പിക്കുക. ഇതിനായുള്ള സി. ഡി. പ്രസന്റേഷന്‍ തയ്യാറാക്കി മുഴുവന്‍ സ്‌കൂളുകള്‍ക്കും നല്‍കി.

ക്ലാസ്സെടുക്കുന്ന കുട്ടികള്‍ക്കായി ജില്ലയിലെ 10 കേന്ദ്രങ്ങളില്‍ വച്ച് ജൂലൈ 2ന് പരിശീലനം നല്‍കി. ജില്ലയിലെ ഹൈസ്‌കൂളുകളില്‍ നിന്നും തെരഞ്ഞെടുക്കപ്പെട്ട 385 കുട്ടികള്‍ പരിശീലനത്തില്‍ പങ്കെടുത്തു.

2011-05-17T18:57:00.000-07:00

State Balasatra Congress,Mamkompu Slideshow: KSSP,ALAPPUZHA

2011-05-10T06:25:00.001-07:00

കൃഷിയെ രക്ഷിക്കാന്‍ പ്രതിജ്ഞ ചെയ്ത് കുട്ടിശാസ്ത്രജ്ഞന്മാര്‍ പിരിഞ്ഞു

കൃഷിയെ അറിഞ്ഞും കുട്ടനാടിനെഅറിഞ്ഞും രണ്ടു നാള്‍ നീണ്ട ബാലശാസ്ത്ര കോണ്‍ഗ്രസ് സമാപിച്ചു. മുതിര്‍ന്ന തലമുറ പ്രകൃതിയേയും പരിസ്ഥിതിയേയും സംരക്ഷിക്കുന്നതില്‍ മുഖ്യപങ്ക് വഹിച്ചവരാണെന്നും അതിനെ സംരക്ഷിക്കാനും പുനഃസ്ഥാപിക്കാനും പുതിയതലമുറയ്ക്കാണ് കഴിയുകയെന്നും സമാപന സമ്മേളനം ഉദ്ഘാടനം ചെയ്തുകൊണ്ട് കേരള കാര്‍ഷികസര്‍വ്വകലാശാല വൈസ് ചാന്‍സലര്‍ കെ.ആര്‍.വിശ്വംഭരന്‍ പറഞ്ഞു.
| Readmore....

2011-05-09T07:58:00.001-07:00

കുട്ടി ശാസ്ത്രജ്ഞരോടൊപ്പം ശാസ്ത്രാദ്ധ്യാപകനായി മന്ത്രി

കേരളത്തിലെ ശാസ്ത്ര ഗവേഷണ സ്ഥാപനങ്ങളുടെ സഹായത്തോടെ കേരളശാസ്ത്ര സാഹിത്യ പരിഷത്ത് സംഘടിപ്പിച്ച ബാലശാസ്ത്രകോണ്‍ഗ്രസ് ധനമന്ത്രി ഡോ.തോമസ് ഐസക്ക് മങ്കൊമ്പ് നെല്ലുഗവേഷണകേന്ദ്രത്തില്‍ ഉദ്ഘാടനം ചെയ്തു.| Readmore....

2011-05-06T19:33:00.001-07:00

സംസ്ഥാന ബാലശാസ്ത്ര കോണ്‍ഗ്രസ്സ്

യുറീക്ക – ശാസ്ത്രകേരളം വിജ്ഞാനോത്സവത്തിന്റെ ഭാഗമായ സംസ്ഥാന ബാലശാസ്ത്ര കോണ്‍ഗ്രസ്സ് 2011 മെയ് 09, 10 തീയതികളില്‍ - തിങ്കള്‍, ചൊവ്വ ദിവസങ്ങളില്‍ - ആലപ്പുഴ, കുട്ടനാടുള്ള മങ്കൊമ്പ് നെല്ലുഗവേണ കേന്ദ്രത്തില്‍ നടക്കും. നെല്‍കൃഷിയുമായി ബന്ധപ്പെട്ടതാണ് ഇത്തവണത്തെ പഠനപ്രവര്‍ത്തനം.
| Readmore....

2011-05-06T19:18:00.001-07:00

ജാഗ്രതാ സമിതി ശില്പശാല

സ്ത്രീകള്‍ക്കും കുട്ടികള്‍ക്കും നേരെയുള്ള അതിക്രമങ്ങള്‍ക്കെതിരെ ഒന്നിക്കുക എന്ന വനിതാദിന മുദ്രാവാക്യവുമായി സംഘടിപ്പിച്ച ശില്പശാലയില്‍ 100 പ്രവര്‍ത്തകര്‍ പങ്കെടുത്തു
| Readmore....

2009-08-08T00:11:00.000-07:00

നൂറ്റാണ്ടിന്റെ അപൂര്‍വ്വ കാഴ്ചയ്ക് പതിനായിരങ്ങള്‍ സാക്ഷിയായി

ആലപ്പുഴ- നൂറ്റാണ്ടിന്റെ അപൂര്‍വ്വ ആകാശ വിസ്മയം നിരീക്ഷിക്കാന്‍ ആയിരങ്ങള്‍ സാക്ഷിയായി. ബീഹാറിലെ പാറ്റ്നയില്‍ നടന്ന സന്പൂര്‍ണ്ണ സൂര്യഗ്രഹണം കേരളത്തില്‍ നിന്ന് ജനകീയശാസ്ത്ര പ്രസ്ഥാനങ്ങളുടെ നേതൃത്വത്തില്‍ 120 പേരാണ് പോയത്. നമ്മുടെ ജില്ലയില്‍ നിന്നും ജില്ലാസെക്രട്ടറി ഉള്‍പ്പെടെ 7പേരാണ് പോയത്. ജൂലയ് 14 ന് യാത്ര തിരിച്ച സംഘം 25നാണ് പാറ്റ്നയില്‍ നിന്നും മടങ്ങി എത്തിയത്.പാറ്റ്നയില്‍ നടന്ന വിവിധ വര്‍ക് ഷോപ്പുകള്‍ ,സെമിനാറുകള്‍ ,എന്നിവയില്‍ ഇവര്‍ പങ്കെടുത്തു. ജുലയ് 22 ന് നടന്ന സന്പൂര്‍ണ്ണ സുര്യഗ്രഹണം ഇനി ഈനൂറ്റാണ്ടില്‍ കാണാനാവില്ല എന്നത് അതിന്റെ പ്രാധാന്യം സംഘാംഗങ്ങളെ ആവേശഭരിതരാക്കി.

2009-07-29T03:05:00.000-07:00

കണ്‍ നിറയെ കാണാന്‍ ഒരു ആകാശ കാഴ്ച

സമ്പൂര്‍ണ്ണ സൂര്യഗ്രഹണത്തിന് പിന്നാലെ ഇതാ വീണ്ടും അ്ടത്ഭുതകരമായ മറ്റൊരു ആകാശകാഴ്ച. ബുധന്‍ - ശനി സംഗമം ആഗസ്റ്റ് 19 ബുധനാഴ്ച ആകാശത്ത് ഏറ്റവും നന്നായി കാണാനാകും. ഈ ദൃശ്യ വിരുന്ന് കുറച്ച് ദിവസം നീണ്ടു നില്‍ക്കും. അന്താരാഷ്ട്ര ശാസ്ത്രവര്‍ഷം പ്രമാണിച്ചു കേരള ശാസ്ത്രസാഹിത്യ പരിഷത്തിന്റേയും ജില്ലാ ശാസ്ത്രവര്‍ഷ സമിതിയുടേയും, ജില്ലാ സര്‍വ്വ ശിക്ഷാ അഭിയാന്റെയും നേതൃത്വത്തിലാണ് ആലപ്പുഴ കടപ്പുറത്ത് ടെലിസ്കോപ്പിന്റെ സഹായത്തോടെ മനോഹരമായ ഈ ആകാശ കാഴ്ച കാണാന്‍ അവസരമൊരുക്കുന്നത്. ആഗസ്റ്റ് 19ബുധനാഴ്ച വൈകിട്ട് 5മുതല്‍ കടപ്പുറത്ത് ക്ലാസ്സുകള്‍ , പാനല്‍ പ്രദര്‍ശനം എന്നിവയും ഇതിന്റെ ഭാഗമായി സംഘടിപ്പിച്ചിട്ടുണ്ട്.